Мундиалда Ҳусанов билан тўқнашган Роналду Абдуқодирга нималар дегани ошкор бўлди

Ўзбекистон миллий терма жамоасининг мундиал гуруҳ босқичида Португалияга қарши ўтказилган учрашувида Абдуқодир Ҳусанов бир неча маротаба Криштиану Роналду билан гаплашгани мухлислар эътиборини топди.

Суҳбат нима ҳақида бўлгани кўпчиликни қизиқтириб келади.

Sports.uz портали ўзбек футболи афсонаси Азамат Абдураимовнинг “Спорт Экспресс” нашрига берган интервьюсини ўқувчилар эътиборига ҳавола қилади. Бу интервьюда Абдураимов ҳамма қизиқтирган Ҳусанов ва Роналду диалоги нима ҳақида бўлганини айтиб ўтган.

- Ўзбекистонда янги Абдуқодир Ҳусановлар пайдо бўлишини кутиш мумкинми?

- Албатта! Ҳусанов менинг шогирдларимдан бири эканини мамнуният билан айтаман. Мен у билан 14 ёшидан 16 ёшигача ўсмирлар терма жамоасида ишлаганман. У менинг жамоамда эндигина ўйнай бошлаган пайтлардаёқ футболга жуда берилган ва уни қаттиқ яхши кўрадиган йигит эди. У учун футбол ҳар доим ҳаётдаги энг муҳим нарса бўлган. Бундан ташқари, унинг отаси ҳам футболчи.

Ўзбекистонда бундай истеъдодлар бор. Сўнгги йилларда турли ёш тоифаларидаги терма жамоаларимиз Осиё чемпионатида ғолиб чиққани, жаҳон чемпионатларида қатнашаётганининг ўзи катта рағбат ва ўзини кўрсатиш имкониятидир. Бу кучли клублардан таклиф олишга ҳам ёрдам беради. Абдуқодир билан ҳам худди шундай бўлди.

- Унинг шундай даражагача ўсиб, нафақат “Манчестер Сити” асосий таркибига кириши, балки мавсум якунларига кўра жамоанинг энг яхши уч футболчисидан бири номига даъвогар бўлишини тасаввур қила олганмидингиз?

- Ростини айтсам, ҳеч қачон! Агар ўшанда буни билганимда, унинг агенти бўлардим! Аммо унинг жуда яхши бола экани, жамоамдаги энг яхши йигитлардан бири экани аниқ эди. Шунинг учун ундан жуда хурсандман. Ҳар сафар уни кўрганимда омад тилайман. Ва бошидан қандай профессионал бўлган бўлса, шундайлигича қолишини истайман.

- Жаҳон чемпионати давомида у билан гаплашишга улгурдингизми?

- Йўқ. Чунки бу жуда масъулиятли палла эди. Нафақат мен, балки барчамиз йигитларнинг руҳий ҳолатини тушунган ҳолда уларни безовта қилмасликка ҳаракат қилдик. Биз унинг отаси билан дўстмиз, у фахрийлар жамоамизда ўйнайди. Отаси орқали унга катта салом йўлладим.

Отаси менга қизиқ бир воқеани айтиб берди, бу Абдуқодир билан Криштиану Роналду ўртасидаги суҳбат ҳақида.

Португалиялик футболчи бир пайт унга:

“Сен жуда тезсан”, — дебди.

Абдуқодир эса жавоб қайтарибди:

“Сен ҳам жуда тезкорсан!”

Шунда Роналду кулиб:

- “Йўқ, мен энди мени ёшим ўтиб қолди!” - дебди.

Шунингдек, у Ҳусановга оғзига қўлини қўймасликни маслаҳат берган, чунки ҳозир бундай ҳаракат учун майдондан четлатишлари мумкинлигини айтган.

Каннаваронинг камчилик ва ютуқлари очиб берилди

Ҳусанов борми? Мареска етти юлдузни кетказади

Kicker: "Боруссия" Ўзбекистон терма жамоаси футболчисини олади

Президент Мирзиёев Ўзбекистон терма жамоасининг мундиалдаги иштирокига муносабат билдирди

Шомуродов мундиал кейинги фаолияти ва мақсади ҳақида маълумот берди

Мудиалдан кейин Ўзбекистонга жиддий тавсия берилди

Шомуродов мундиалдаги омадсизлик сабабларини келтириб ташлади

Ўзбекистон футболчиси мундиалдаги омадсизликдан кейин терма жамоадан кетди