Мундиал қаҳрамони Файзуллаев ниҳоят тилга кирди

Ўзбекистон миллий жамоаси ҳужумкор футболчиси Аббосбек Файзуллаев жаҳон чемпионатидаги тарихий дебютидан сўнг ижтимоий тармоқларда таассуротлари билан ўртоқлашди. 

Туркиянинг «Истанбул Башакшеҳир» клубидан миллий терма жамоага жалб қилинган маҳоратли футболчи ўзининг инстаграм саҳифасида Ўзбекистон терма жамоасининг 2026 йилги жаҳон чемпионатидаги илк ўйинидан суратлар силсиласини жойлаштирди. 

Расмлар орасида, тахминан, Аббосбекнинг отаси тушган, орқа фонда футбол стадиони акс этган эски кадр ҳам бор. 

Охирги суратда эса қуйидаги ёзув кўриниб туради: «Катта орзулар улкан қурбонликларни талаб қилади».

Футболчи ушбу постини қисқа изоҳ билан чеклади: «Сўзсиз».

Эслатиб ўтамиз, 18 июнь куни Ўзбекистон миллий жамоаси жаҳон чемпионатлари финал босқичидаги ўз тарихидаги илк учрашувини ўтказди. Мехикодаги дунёга машҳур «Ацтека» стадионида Колумбияга қарши беллашув 1:3 ҳисобида якунланди. 

Ўзбекистон терма жамоасининг ягона, бироқ тарихий голига айнан Файзуллаев муаллифлик қилди — у тўпни ўйиннинг 60-дақиқасида дарвозага йўллади.

Колумбия дарвозасига киитилган тўп Аббосбек Файзуллаевнинг номини футбол тарихига муҳрлади. 22 ёшли Аббос Ўзбекистоннинг жаҳон чемпионатларидаги илк голи муаллифи сифатида қайд этилди. 

Бундан ташқари, рақиб дарвозасини бош билан ишғол қилган Файзуллаев янги асрда мундиалда гол урган энг бўйича паст футболчи сифатида рекорд ҳам ўрнатди. 

Португалия Роналду ёрдамида Ўзбекистонга сюрприз тайёрлаяпти

Суперклуб: Шомуродовни ҳеч нарсага қарамай оламиз!

Файзуллаев бир гол билан колумбиялик қизлар ёқимтойига айланди

Ҳусанов қандай баҳоланди? “Манчестер Сити” йил якунларини эълон қилди

Қозоқлар бу сенсацияни Ҳусановнинг “Сити”га ўтишидан аввал эълон қилмоқчи эди!

Ўзбекистоннинг мағлубиятдан кейинги иши мексикаликларни ҳайратга солди

Ўзбекистон мана шу футболчилар сабаб ютқазди!