Мукофоти бир миллион доллардан кўп бўлган турнирда Россия — Ўзбекистон вакиллари тўқнашуви уч сетда якунланди

Ўзбекистон шарафини ҳимоя қилаётган теннисчи Камилла Рахимова Хитойнинг Нинбо шаҳрида ўтаётган WTA 500 тоифасидаги мусобақа саралаш босқичи финалида россиялик Татьяна Прозоровани мағлуб этди.

Қатъий кураш руҳида ўтган учрашув уч сетга чўзилди. Рахимова рақибасини 7:6 (7:4), 4:6, 6:4 ҳисобида енгди. Беллашув қарийб тўрт соат — уч соат 50 дақиқа давом этди.

Прозорова бутун ўйин давомида бирор марта тўғридан-тўғри эйс удара амалга оширмади, уч бор икки карра хатога йўл қўйди ва қўлга киритган 20 та брейк-пойнтнинг саккизтасидан фойдаланди. 

Камилла Рахимова ҳисобида эса учта эйс ва 20 та имкониятдан саккизта брейк-пойнтни амалга ошириш қайд этилди. Шу билан бирга, ўзбекистонлик теннисчи саккиз марта икки карра хатога йўл қўйди.

WTA 500 тоифасидаги BNB Ningbo Open турнирининг асосий тўри 19–25 октябрь кунлари Нинбодаги хард қопламали кортларда ўтказилади. Мусобақанинг умумий соврин жамғармаси 1 206 446 долларни ташкил этади.