Муҳаммад Салоҳга рад этиб бўлмайдиган шартнома берилади

“Ливерпуль”нинг сўнгги йиллардаги энг зўр тўпурари Муҳаммад Салоҳ фаолиятини қаерда давом эттириши мавҳум бўлиб турибди.

Жорий мавсум чемпионликка асосий даъвогар бўлиб турган ливерпулликлар ҳали ўз етакчисини янги битимга кўндира олгани йўқ. Бунинг оқибатида ёзда эркин агентга айланадиган мисрлик футболчини қўлга киритиш истагида бўлган жамоалар кўпайиб бормоқда.

Саудия Арабистонининг “Ал-Ҳилол” клуби масала бир уринишдаёқ ҳал қилмоқчи. Журналист Николо Скиранинг маълум қилишича, бу жамоа хўжайинлари Муҳаммад Салоҳ рад эта олмайдиган жуда катта шартнома тайёрлаб қўйди.

Шайхлар 32 ёшли тўпурарга уч йиллик шартнома бермоқчи. Улар тажрибали тўпурарни лигада энг катта маош оладиган ўйинчига айлантирмоқчи эканини аввал ҳам бир неча маротаба эълон қилган эди.