Мудиалдан кейин Ўзбекистонга жиддий тавсия берилди

Футболчилик фаолияти давомида  Россиянинг ЦСКА ва "Зенит" клубларидан ташқари, Испания  ва Болгария чемпионатларида ўйнаган Владислав Радимов Фабио Каннаваро бошчилигидаги Ўзбекистон терма жамоасининг 2026 йилги жаҳон чемпионатидаги муваффақиятсиз иштироки сабаблари ҳақида фикр билдирди.

- Менимча, Фабио Каннавародан асосий талаб — футболчиларга ишонч улашиш эди. Лекин бундай даражада ҳеч қачон ўйнамаган ўйинчиларнинг кўпчилигида барибир ишонч етишмадигани кўринди. 

Нега Каннаваро буни қила олмаганини аниқ айтиш менга қийин. Маҳорат даражаси жиҳатидан олганда ҳам, умумий ҳолатдан ҳам кўриниб турибдики, Ўзбекистон терма жамоаси, албатта, рақиблардан заифроқ. Таҗриба борасида эса айнан шу жиҳатда ҳали жуда кўп нарсани ўрганиш талаб этилади.

Масалан, Конго Демократик Республикаси терма жамоаси билан Ўзбекистон ўртасидаги фарқ нимада? 

Ўзбекистонда Европада тўп сурадиган икки-уч нафар футболчи бор, холос. Конго терма жамоасида эса деярли барча Францияда ва Европанинг бошқа кучли клубларида ўйнайди. Улар бундай мусобақаларга тайёр, маҳорати ва тажрибаси етарли.

Илгари африкаликлар фақат жисмонан бақувват бўлган бўлса, ҳозир техник ва тактик жиҳатдан ҳам етарлича шаклланган, ривожланиб бормоқда.

Шу нуқтаи назардан, бу менинг ишим эмасдек туюлса-да, ўзбекларга очиқ-ойдин бир тавсия бор: футболчилар Европа клубларига кетиб, ўша ерда ўсиши, тажриба тўплаши керак. Шунда кейинги жаҳон чемпионатига келиб, Ўзбекистон анча кучлироқ жамоа бўлади, — деди Владислав Радимов.

Фабио Каннаваро 2025 йил 6 октябрь куни Ўзбекистон терма жамоаси бош мураббийи этиб тайинланган. У билан тузилган шартнома 2026 йил 31 июлигача мўлжалланган.

Президент Мирзиёев Ўзбекистон терма жамоасининг мундиалдаги иштирокига муносабат билдирди

Шомуродов мундиал кейинги фаолияти ва мақсади ҳақида маълумот берди

Шомуродов мундиалдаги омадсизлик сабабларини келтириб ташлади

Ўзбекистон футболчиси мундиалдаги омадсизликдан кейин терма жамоадан кетди