Мовсар Евлоевни қандай қилиб ҳали ҳам UFC дан четлатишмади?

Аралаш яккакурашлар афсонаси Деметриус Жонсон нега россиялик Мовсар Евлоев нафақат дунёнинг энг кучли лигаси рўйхатида қолаётгани, балки тез орада ярим енгил вазн тоифасида UFC чемпионлик камари учун жанг қилишини тушунмаяпти.

"Хаёлимга бир фикр келди. Мовсар ҳали мағлубиятга учрамаган, 20-0 рекордга эга ва бирорта жангда муддатидан олдин ғалаба қозона олмаган. Шундай экан нега у ҳамон UFC да? Ахир UFC даҳшатли шоу кўрсатувчи Майкл "Веном" Пейжни ростердан чиқарди-ку?! 

Ўйлаб кўрсак, промоушен томошабоп жанг кўрсатмайдиган ва рақибларини нокаутга учрата олмайдиган йигитлардан жуда тез қутулмоқда", - деди америкалик.

Эслатиб ўтамиз, Волкановски ва Евлоев тўқнашуви 24 октябрь куни "UFC 333" турнирида ўтказилади.