Моуриньонинг таклифи Бенземани ўйлантириб қўйди

Бир неча кун аввал "Бенфика" бош мураббийи Жозе Моуриньонинг шахсан ўзи "Ал-Иттиҳод" ҳужумчиси Карим Бенземага қўнғироқ қилиб, уни Португалия клубига таклиф қилди. 

Marca хабарига кўра, Моурино билан суҳбатдан сўнг 37 ёшли футболчи Европа футболига қайтиш ҳақида ўйлаган ва аста-секин фаолияти якунига етаётганини тушуниб етган.

Таъкидланишича, юзага келган вазият фонида "Ал-Иттиҳод" Бензема билан 2026 йилнинг ёзигача мўлжалланган шартномани узайтириш вариантини кўриб чиқишни бошлаган. Саудия клуби Бенземага меҳнат шартномасини 2027 йилгача узайтиришни таклиф қилиши мумкин.

Бензема ва Моуриньо 2010 йилдан 2013 йилгача Мадриднинг "Реал" клубида ишлаган.

Француз 2023 йилнинг ёзидан бери "Ал-Иттиҳод"да ўйнамоқда. Transfermarkt порталида келтирилган маълумотларга кўра, ҳужумчининг бозор нархи 7 млн еврони ташкил этади.