Моуриньо Винисиусни “Реал”да йўқотмоқчи

Манбаларга кўра, “Реал”нинг янги бош мураббийи Жозе Моуриньо бразилиялик ҳужумчи Винисиус Жуниор билан боғлиқ масалада қатъий позицияда турибди.

Хабар қилинишича, “Реал” футболчига шартномани узайтириш бўйича фақат битта расмий таклиф юборади. Бу таклиф Винисиус талаб қилаётган шартлардан анча паст бўлади.

Клуб ҳозирча Винисиусга бошқа жамоалардан жиддий таклифлар йўқлигини билади.

Моуриньонинг хоҳиши Винисиусни имкони борича тезроқ сотиб юбориш ёки камида унинг янги мавсумдаги самарадорлигини баҳолаб, кейин янги шартнома масаласини ҳал қилишдан иборат.

Португалиялик мураббийнинг фикрича, ҳатто футболчи 2027 йилда эркин агент сифатида кетса ҳам, унинг трансфери аввалги йилларда ўзини тўлиқ оқлаб бўлган.