Моуриньо: “Реал”ни фақат “Сити”нинг шу ҳимоячиси кучайтиради
- 23-июн, 11:36
- Zohir Toshxo’jayev
- 0
- Футбол
Мадриднинг “Реал” клуби бош мураббийи Жозе Моуриньо жамоа ҳимоя чизиғини кучайтириш учун “Манчестер Сити” марказий ҳимоячиси Рубен Диашни энг устувор номзод сифатида кўрмоқда. Бу ҳақда AS нашри хабар берди.
Манба маълумотига кўра, “Қироллик клуби” Иброҳим Конате билан шартнома имзолашидан аввал ҳам португалиялик ҳимоячини сотиб олиш вариантини кўриб чиққан.
Бироқ Рубен Диашнинг Испания грандига ўтиши амалда деярли имконсиз деб баҳоланмоқда. Чунки “шаҳарликлар” ҳимоя чизиғидаги етакчи футболчисини сотиш ниятида эмас.
Ўтган мавсумда Диаш барча мусобақаларда 33 та учрашувда майдонга тушиб, 2 та гол урди. Футболчининг клуб билан амалдаги меҳнат шартномаси 2029 йил ёзигача амал қилади.
Transfermarkt портали маълумотига кўра, Рубен Диашнинг бозор қиймати 55 миллион еврони ташкил этади.