Моуриньо “Реал”га ўтишига йўл қўймаймиз ёки 3 миллион евро тўласин!
- 2-май, 18:16
- Zohir Toshxo’jayev
- 0
- Футбол
Португалия чемпионатида иккинчи ўринда бораётган “Бенфика” раҳбарияти бош мураббий Жозе Моуриньонинг “Реал”га ўтишига йўл қўймоқчи эмас.
Маълумки, “Қироллик клуби” келаси мавсум олдидан бош мураббийни алиштирмоқчи. Альваро Арбелоанинг ўрнини эгаллаши мумкин бўлган асосий номзодлардан бири айнан Моуриньодир.
“Бенфика” мадридликларнинг қизиқиши фонида машҳур мураббийни ўз таркибида сақлаб қолмоқчи. Бу ҳафта Лиссабон клуби президенти Руй Кошта мураббий билан келаси мавсум режаларини муҳокама қилиш учун учрашув ўтказди.
Бу ҳақда O Jogo хабар берди.
Манбага кўра, “Бенфика” раҳбарияти Моуриньо билан шартномани 2028 ёки 2029 йилгача узайтириш истганини билдирган. Ҳозирги меҳнат шартномаси 2027 йил ёзигача амал қилади.
Шу билан бирга, амалдаги келишувда мавсум тугаганидан кейин 10 кун ичида 3 миллион евро тўлаб клубни тарк этиш имконини берувчи банд борлиги таъкидланмоқда. Шу сабабли “Реал” тайинлов масаласида қарор қабул қилишни тезлаштириши керак.