Моуриньо 'Реал"га Гвардиолни олиб келишни истамоқда

Мадриднинг "Реал" клуби бош мураббийи Жозе Моуриньо жамоа ҳимоя чизиғини кучайтириш учун Йошко Гвардиол номзодини маъқулламоқда.

As нашрининг хабар беришича, португалиялик мутахассис "Манчестер Сити" ҳимоячисини ўз лойиҳасида муҳим фигура деб ҳисобламоқда. Моуриньони айниқса футболчининг универсаллиги қизиқтирмоқда, чунки у ҳам чап қанотда, ҳам марказий ҳимояда ҳаракат қила олади.

Манбага кўра, "Реал"нинг эҳтимолий трансфер рўйхатида "Арсенал" ҳимоячиси Риккардо Калафьори ҳам бор.

Аввалроқ "Манчестер Сити" Гвардиолга 2031 йилгача мўлжалланган янги шартнома таклиф қилгани ҳақида хабарлар тарқалган эди.