Моуриньо “Реал”да қачонгача ишлаши аниқ бўлди

Португалиялик мураббий Жозе Моуриньо Мадриднинг «Реал» клуби билан шартнома шартлари бўйича келишувга эришди.

Бу ҳақда журналист Николо Скира хабар берди.

Унинг маълумотига кўра, келишув 2028 йилнинг ёзигача амал қилади.

“Реал” 63 ёшли мутахассиснинг кетиши учун Лиссабоннинг “Бенфика” клубига товон пули тўлашга рози бўлган. ОАВ маълумотига кўра, гап етти миллион евро ҳақида кетмоқда.

Моуриньо “Реал”ни 2010 йилдан 2013 йилгача бошқарган.

Унинг қўл остида жамоа Испания чемпионатида ғолиб чиққан, шунингдек мамлакат кубоги ва Суперкубогини қўлга киритган.

Ўтган йил сентябридан бери Моуриньо “Бенфика”ни бошқармоқда.

Аввалроқ португалиялик мутахассис ўз юртида “Бенфика”дан ташқари “Порту”, Италиянинг “Интер” ва “Рома”, Англиянинг “Челси”, “Манчестер Юнайтед” ва “Тоттенхэм”, шунингдек Туркиянинг “Фенербаҳче” клубларида ҳам бош мураббий бўлиб ишлаган.

“Реал” 2025-2026 йилги мавсумни совринсиз якунлайди. Клуб раҳбарияти бош мураббий Альваро Арбелоани ишдан олиши кутиляпи.

Жамоа Ла Лигада иккинчи ўринни эгаллади, Чемпионлар лигасида чорак финалда мусобақани тарк этди, Испания кубогида эса 1/8 финалда мағлуб бўлди.