Моуриньо ўрнини Англиядаги мураббий эгаллайди

“Фулхэм” бош мураббийи Марку Силва, агар Жозе Моуриньо “Реал Мадрид”га ўтиб кетса, “Бенфика”нинг бош мураббийлигига асосий номзодга айланган. Бу ҳақда Record хабар берди.

Лиссабон клуби раҳбарияти вазиятни таҳлил қилмоқда ва мураббийлар штабидаги эҳтимолий ўзгаришларга тайёргарлик кўрмоқда. “Фулхэм” билан шартномаси мавсум охирида тугайдиган Силва трансфер учун очиқ бўлиши мумкин.

Ҳозирча клублар ўртасида аниқ музокаралар бўлмаган, аммо “Бенфика” уни Моуриньо кетган тақдирда устувор вариант сифатида кўрмоқда.

Аввалроқ “Реал” президенти Флорентино Перес португалиялик мутахассисни Мадридга қайтаришни истагани хабар қилинган эди. Моуриньо 2010–2013 йилларда “Реал”ни бошқариб, Испания чемпионлиги, Кубок ва Суперкубокни қўлга киритган.

Ҳозирда “Бенфика” Португалия чемпионатида 31 турдан кейин иккинчи ўринда бормоқда ва пешқадам Портудан 7 очко ортда қолмоқда. Моуринью жамоани ўтган йил сентябрда қабул қилиб олган.