Моуриньо “Манчестер Сити” юлдузини рўйхатга қўшди
- 8-июн, 08:25
- Zohir Toshxo’jayev
- 0
- Футбол
“Манчестер Сити” билан ҳамкорлигини якунлаган 31 ёшли Бернарду Силва португалиялик мутахассис Жозе Моуриньо “Реал Мадрид” бош мураббийи этиб тайинланган тақдирда уни жамоада кўрмоқчи бўлган футболчилар рўйхатига киритилди.
Бу ҳақда AS нашри хабар бермоқда.
Аввалроқ футболчининг “Барселона”га ўтишга яқин экани ва каталонияликлар бош мураббийи Ханс-Дитер Флик ушбу трансферни маъқуллагани ҳақида маълумотлар тарқалган эди.
Шунингдек, Бернарду Силвага “Атлетико Мадрид”, “Бенфика”, шунингдек Туркия, Франция, Италия ва Саудия Арабистони клублари ҳам қизиқиш билдирган.
30 июнь куни футболчининг “Манчестер Сити” билан шартномаси якунига етади. У 2017 йилдан бери мазкур клуб шарафини ҳимоя қилиб келмоқда.
Жорий мавсумда португалиялик футболчи барча мусобақаларда 53 та ўйин ўтказиб, 3 та гол ва 5 та голли узатма муаллифи бўлди.