Моуриньо: Бу икки урушқоқ юлдуз “Реал”да бирга қолмайди!

“Бенфика” бош мураббийи Жозе Моуриньо тез орада Мадриднинг “Реал” клубига тайинланиши кутилмоқда.

Португалиялик мутахассис бошқарувни қўлга олиши билан таркибда жиддий ўзгаришлар қилади. Хусусан, Моуриньо яқинда ўзаро мушлашган икки юлдуз – Федерико Вальверде ҳамда Орельен Тчуамени иккаласини бир вақтнинг ўзида жамоада бўлишини истамаяпти.

Тажрибали мураббий таркибни оптималлаштириш ва унинг тизимига салбий таъсир қилиши мумкин бўлган ички зиддиятдан қочишни афзал кўрмоқда.

Бу ҳақда Marca нашри хабар берди.

Манба маълумотига кўра, Вальверде ва Тчуамени ўртасида юз берган жанжал жамоа бирдамлиги билан боғлиқ муаммони очиб берган. Моуриньо эса ҳар қандай бошқараётган жамоасида ушбу масалага “энг устувор аҳамият” қаратади.

Таъкидланишича, Тчуамени Моуриньо тактикаси талаб қиладиган даражада ҳимояланиш ва позицияни назорат қилиш қобилияти туфайли Вальвердега нисбатан бироз устунликка эга бўлиши мумкин.