Моуриньо: "Бир пайтлар бутун дунё "Эл-класико"ни кутарди"

"Реал" бош мураббийи Жозе Моуриньо "Реал" ва "Барселона" ўртасидаги қарама-қаршиликнинг футбол оламидаги аҳамияти ҳақида фикр билдирди.

Португалиялик мутахассиснинг таъкидлашича, бугунги кунда "Эл-класико" аввалгидек катта қизиқиш уйғотмаяпти.

"Эл-класико" энди аввалгидек қабул қилинмаяпти. Бир вақтлар бутун дунё ушбу ўйинни кутарди. Фақат Мадрид, Барселона ёки Испания эмас, балки бутун жаҳон бу баҳсларга интизор бўларди.

Албатта, Криштиану Роналду ва Лионель Месси ўша даврнинг асосий қаҳрамонлари эди. Улар дунёнинг энг яхши икки футболчиси ҳисобланарди.

“Реал Мадрид” — дунёнинг энг яхши клуби. “Барселона” эса “Реал”дан кейинги энг яхши клублардан бири", — деди Моуриньо.

Қайд этиш жоиз, Моуриньо "Реал"ни 2010–2013 йиллар оралиғида бошқарган ва айнан шу даврда Роналду ҳамда Месси ўртасидаги рақобат энг юқори нуқтага чиққан эди.