Моуриньо Арда Гюлернинг ўйини ҳақида фикр билдирди

Мадриднинг «Реал» клуби бош мураббийи Жозе Моуриньо жамоа ярим ҳимоячиси Арда Гюлернинг ўйини ҳақида фикр билдирди.

Мутахассис футболчининг иқтидорини алоҳида таъкидлаб, у келгусида янада ривожланишига ишонч билдирди.

«Менимча, сизга унинг меҳнатсеварлигини баҳолаш қийин. Гўёки, энг салбий ҳолатлар учун кимдир масъул, ижобий натижалар эса тасодифдек қабул қилинади. Аммо Арда жуда иқтидорли футболчи. Буни барчамиз биламиз. У 21 ёшда ва, бахтимизга, ҳали мукаммалликка эришмаган. У кўп қиррали футболчи ва мен ундан жуда мамнунман», — деди Моуриньо. Унинг сўзларини «Реал»нинг расмий сайти келтирди.

Жорий мавсумда Арда Гюлер «Реал» сафида тўққизта учрашувда майдонга тушиб, бир гол урди ва бешта голли узатмани амалга оширди. Transfermarkt портали футболчининг бозор қийматини 100 миллион евро деб баҳоламоқда.