Моуриньо Эндрик трансферини блоклади

Мадриднинг «Реал» жамоаси бош мураббийи Жозе Моуриньо ёш бразилиялик ҳужумчи Эндрикти қишки трансфер ойнасида «Милан»га ижарага бериш вариантни рад этди. Италия клуби унинг Мадридда кам ўйин амалиётига эга бўлаётганидан фойдаланишни режалаштирган эди, аммо португалиялик мутахассис футболчини жамоадан чиқаришга рози бўлмади.

Эндрик мавсум бошидаёқ муаммога дуч келди: у мавсум олди йиғинларида олган жароҳати сабаб бир ойдан зиёд майдонга тушмади. Бу эса унинг янги мавсумни фаол бошлаш имкониятини кескин чеклаб қўйди. «Вильярреал»га қарши ўйинда у захирадан майдонга тушиш арафасида турганди, аммо мадридликлар урган гол вазиятни ўзгартириб юборди.

«Ростини айтсам, у тўлиқ тиклангандан кейин унга ҳали ҳақиқий имконият бермадим. Лекин "Вильярреал"га қарши ўйинда у майдонга тушишга тайёрланаётганди. Кейин биз гол урдик ва бир киши кам бўлган вазиятда мураббий одатда бошқа тактик вариантларни кўриб чиқади», — дея тушунтирди Моуриньо.

«Милан» раҳбарияти энди ҳужум чизиғини кучайтириш учун бошқа номзодларни қидиришга мажбур. Моуриньо эса Эндрик салоҳиятига ишонади: «Менимча, Эндрикка ижара шартномаси керак эмас. У бу ернинг ўзида катта ютуқларга эриша олади, деб ишонаман», — деди у.

Мутаҳассис фикрича, қишки қисмдаги жадал тақвим ёш ҳужумчига асосий таркибда кўпроқ имконият олиш ва ўзини кўрсатиш учун қўшимча шароит яратади.