Моуриньо дарров "Реал"нинг икки юлдузидан воз кечди

Мадриднинг "Реал" клубига яқиндагина бош мураббий этиб тайинланган машҳур мутахассис Жозе Моуриньо жамоа таркибини жиддий равишда янгилашни режалаштирмоқда. 

Инсайдер Мигель Серранонинг ижтимоий тармоқларда хабар беришича, португалиялик мутахассис икки ҳимоячи билан хайрлашиш ниятида.

Манбага кўра, Моуриньо "Реал" таркибидаги Альваро Каррерас ва Рауль Асенсиога умид боғламай қўйган. Португалиялик мутахассис ушбу футболчиларни сотишни, тушган маблағ эвазига эса улар ўйнайдиган позицияларга янги ўйинчиларни таклиф этишни режалаштираётгани айтилмоқда.

Эслатиб ўтамиз, Жозе Моуриньо яқинда "Қироллик клуби"га бош мураббий сифатида қайтиб келди. У испан гранди билан 2029 йилнинг ўрталаригача мўлжалланган узоқ муддатли меҳнат шартномасига имзо чеккан.