Мориясу: "Масъулиятни ўз зиммамга оламан ва барчадан узр сўрайман"

Япония терма жамоаси бош мураббийи Ҳажиме Мориясу Жаҳон чемпионати 1/16 финалида Бразилияга 1:2 ҳисобида мағлуб бўлиб, мусобақани тарк этганидан сўнг ўз фикрлари билан ўртоқлашди.
⠀
"Барча япон мухлислари учун ғалаба қозона олмаганимиздан жуда афсусдаман. Бош мураббий сифатида барча масъулиятни ўз зиммамга оламан ва ҳаммадан узр сўрайман.
⠀
Хьюстонда стадионга келиб, бизга далда берган барча мухлисларга миннатдорчилик билдираман. Шунингдек, Японияда ва дунёнинг турли бурчакларида тун бўлишига қарамай, телевизор ёки интернет орқали бизни қўллаб-қувватлаган инсонларга ҳам раҳмат айтаман.
⠀
Мусобақани айнан шу босқичда якунлаш оғир. Аммо футболчилар ҳар бир машғулотда ҳам, бугунги учрашувда ҳам бор кучини берди. Мураббийлар штаби ва бутун жамоа йўл давомида катта фидойилик кўрсатди.
⠀
Биз қўлимиздан келган барча ишни қилдик. Ҳозир қаттиқ тушкунликдамиз, аммо бу натижани қабул қилиб, янада кучлироқ қайтиш учун ундан мотивация сифатида фойдаланамиз", — деди Мориясу.