Моҳидил Ўктамжонова – қизлар ўртасида ёшлар Жаҳон чемпионига айланган илк ўзбекистонлик таэквондочига айланди!

Пойтахтимизда таэквондо WТ бўйича ёшлар ўртасидаги XV Жаҳон чемпионати ўз ниҳоясига етди. Жаҳон чемпионатининг финал баҳслари ва ёпилиш маросимида World Taekvondo Президенти Чунгвон Чои, Спорт вазири Адкҳам Икрамов, МОҚ раисининг биринчи ўринбосари Отабек Умаров, МОҚ бош котиби Ойбек Касимов, МОҚ раиси ўринбосари, мамлакат таэквондо WТ ассосиацияси раиси Шерзод Ташматов иштирок этди.

Таъкидлаш жоиз, терма жамоамизнинг -63 кг вазн тоифасидаги вакиласи Моҳидил Ўктамжонова ёшлар ўртасидаги Жаҳон чемпионатида барча рақибаларидан устун келиб, ўз тенгсизлигини исботлади ва бу орқали терма жамоамиз ҳисобига қимматли олтин медални тақдим этди. 

Бу Ўзбек спорти учун тарихий натижа! Боиси, таэквондо WТ бўйича ёшлар ўртасидаги дунё биринчиликларида ҳозирга қадар қизлар ўртасида олтин медал қўлга киритилмаган эди. 

"Президент Олимпиадаси" ғолиби Моҳидил Ўктамжонова — Ўзбекистон тарихида қизлар ўртасида ёшлар Жаҳон чемпионига айланган илк ўзбекистонлик таеквондочига айланди!

Шунингдек, Асадбек Самандаров, Ёсинбек Одилов олтин, Аюбхон Набиев, Алишер Пак кумуш ва Шоҳжаҳон Холмуродов бронза медални қўлга киритишди.

Шу тариқа, ушбу нуфузли мусобақани Ўзбекистон ёшлар терма жамоаси 3 та олтин, 2 та кумуш ва 1 та бронза медаллар билан якунлашди.

2028-йилда ўтказиладиган жаҳон чемпионатига Перу пойтахти Лима шаҳри мезбонлик қилади.

Бу ҳақда Ўзбекистон таэквондо WТ ассоциацияси хабар бермоқда.