ММА устаси кикбоксингнинг мега-юлдузига "вызов" ташлади

Машҳур нидерландиялик аралаш яккакурашлар фахрийси Алистар Оверим Glory собиқ чемпиони Рико Верхувен билан бокс қоидалари бўйича беллашмоқчи.

"Боксда Риконинг имконияти кўпроқ. Шунинг учун биз унга бокс қоидалари бўйича жанг таклиф қиламиз. Нега? Чунки Верхувен менга қарши MMA қоидалари бўйича баҳсда қатнашмаган бўларди... Уни Амстердамда кўришга умид қиламиз.

Рико мендан қочма! Мухлислар, Нидерландия ва мен ҳам шу тўқнашувни хоҳлаймиз. Ҳали ҳисоб-китоб қилишимиз керак. Кел, бир умрга ҳисоб-китоб қилиб, Нидерландияда ким биринчи рақамли спортчи эканини аниқлаймиз. Кел, буни 2027 йилда Амстердамдаги аренада амалга оширамиз", - деди Алистар.

Эслатиб ўтамиз, Рико Верхувен охирги бор 23 май куни Мисрда Александр Усикка қарши рингга кўтарилиб, 11 раундда техник нокаутга учраган эди.