ММА тарихидаги энг яхши беш нафар жангчи ким?

UFC нинг ярим ўрта вазн (77 кг) чемпиони Жек Делла Маддалена аралаш жанг санъати тарихидаги энг буюк жангчилар бешталигини санаб ўтди.

“Мен бу рўйхатга Жон Жонс, Би-Жей Пенн, Жорж Сен-Пьер ва, албатта, Андерсон Сильвани қўшган бўлардим. Яна битта керакми? Эҳтимол, бу Фёдор Емельяненко. У ўз даврида мутлақ ҳукмрон эди”, — деди австралиялик "FREESTYLEBENDER" You Tube каналига берган интервьюсида.

Эслатиб ўтамиз, Фёдор Емельяненко айни дамда 49 ёш. У 2000 йилда профессионал ММАда дебют қилган ва 2023 йилда фаолиятини якунлаган. Россиялик жангчининг рекордида 40 ғалаба ва 7 мағлубият мавжуд.