Миржалол Қосимов: "Муаммоларимиз етарли эди ва бу нарса ўйинда яққол кўринди"
- 7-ноябр 2023, 08:10
- Shuhratbek Jo’rayev
- 4
- Футбол
ОЧЛ гуруҳ босқичи, 4-тур доирасидаги «Сепахон» — ОКМК (9:0) учрашувидан сўнг ОКМК бош мураббийи Миржалол Қосимов матбуот анжуманида иштирок этди.
Ўйин ҳақида
- Авваламбор, барчага Ассалому алайкум! «Сепахон» жамоасини ҳақли равишда ғалабага эришгани билан табриклайман. Ўзига яраша муаммоларимиз етарли эди ва бу нарса бугунги ўйинда яққол кўринди. Қолаверса, ўйинчимизнинг четлатилиши ҳам ўйинга ўз таъсирини кўрсатди.
- Жамоангиз биринчи бўлимда рақибга қарши яхши ўйин намойиш этганди. Иккинчи таймда эса биз бошқача жамоани кўрдик. Бунинг сабаби нимада?
- Савол учун раҳмат. Тўғрисини айтадиган бўлсам, ўзим ҳам нимага бундай бўлганини тушунмай қолдим. Иккинчи бўлимда ўтказиб юборган голимиз қайсидир маънода ўз сўзини айтди ва кетма-кет «рекошет» голлар ўйин тизгинини бутунлай ўзгартириб юборди.
- Ушбу натижа сизнинг фаолиятингиздаги энг ёмони бўлди десак ҳам бўлади. Шу ҳақда фикрларингиз?
- Бу футболда учраб туради. Лекин, тўғри таъкидладингиз бу фаолиятимдаги биринчиси.
ОКМК матбуот хизмати.