"Милан" "Ювентус" ҳужумчиси трансфери бўиича музокараларни бошлади

"Милан" "Ювентус" жамоаси ҳужумчиси Душан Влахович трансфери бўйича музокараларни бошлади. Бу ҳақда италиялик инсайдер Альфредо Педулла хабар берди.

Манбага кўра, клублар ўртасида сўнгги соатларда алоқалар ўрнатилган. Влаҳович аввалроқ Массимилиано Аллегри билан мулоқот қилгани ҳақида хабарлар тарқалган эди. "Ювентус" Влаҳович “Милан”га ўтиш учун маошини камайтиришга рози бўлса, маошининг бир қисмини тўлашга мажбур бўлиши мумкин.

Ўтган мавсумда Влаҳович “зебралар” сафида 44 та ўйинда майдонга тушиб, 17 та гол урди ва жамоадошларига 5 та голли узатмани амалга оширди.