“Милан” раҳбариятдаги ўзгаришлар учун 20 миллион евродан ортиқ маблағ тўлайди

“Милан” клуби истеъфога чиқарилган мутахассисларга катта миқдорда компенсация тўлаши мумкин.

Аввалроқ клуб бош мураббий Массимилиано Аллегри, спорт директори Игли Таре, бош директор Жоржио Фурлани ва техник директор Жеффри Монкада билан хайрлашганини расман эълон қилган эди.

"La Gazzetta dello Sport" маълумотига кўра, 2028 йилгача мўлжалланган шартнома асосида Фурлани бонуслар билан бирга тахминан 10 миллион евро олиши керак. 2027 йилгача шартномаси бор Аллегри эса 9 миллион евро компенсация олиши мумкин. Игли Тарега эса тахминан 3 миллион евро тўланади.

Жеффри Монкаданинг шартномаси жорий мавсум якунида тугайди. Шу сабаб унга фақат июнь ойи маоши тўлаб берилади.

Манбага кўра, бу суммалар якуний эмас. Клуб музокаралар орқали компенсация миқдорини камайтиришга ҳаракат қилади.