Микель Артета: "Деклан анча яхшироқ, Хаверц машғулотнинг бир қисмида қатнашди"

Лондоннинг "Арсенал" клуби бош мураббийи Микель Артета жароҳат олган футболчилар ҳолати ҳақида маълумот берди. Мутахассис айниқса Деклан Райс ва Кай Хаверцнинг аҳволига тўхталди.

"Хаверц машғулотнинг бир қисмида иштирок этди. Шунинг учун кутишимиз ва унинг ўйинга тайёр ёки тайёр эмаслигини кўришимиз керак. Қай даражада формада эканини ҳам баҳолаймиз. Деклан эса, умид қиламанки, ўйинда қатнашиши мумкин бўлади. Бугун у анча яхшироқ кўринди", — деди Артета клуб расмий сайтига.

Шунингдек, мураббий "Брайтон"га қарши учрашувда Бен Уайт иштирок этмаслигини маълум қилди. Клуб сардори Мартин Эдегор эса майдонга тушиши мумкин.

Эслатиб ўтамиз, ўтган якшанба куни Хаверц "Челси"га қарши уй ўйини (2:1) сўнгги дақиқаларида майдонга тушган эди. Райс эса иккинчи бўлимда Кристиан Нёргорга алмаштирилган.