"Металлург"нинг янги легионери: "Дебют ўйинимдаёқ гол урганимдан жуда хурсандман"

Ўзбекистон Про-Лигаси 1-тури доирасида "Яйпан" - "Металлург" (1:2) учрашуви бўлиб ўтди.

Учрашувдан сўнг клуб матбуот хизмати ғалаба голи муаллифи бўлган Бранимир Йочичнинг таассуротлари билан қизиқди.

“Ассалому алайкум. “Яйпан”га қарши сафар учрашуви осон бўлмади. Биринчи бўлимда у қадар яхши ўйин кўрсата олмадик. Буни танаффус вақтида жамоа билан гаплашиб олдик ва иккинчи бўлимга яхши киришиб кетдик. 

Жамоанинг иродаси ва характери борлигини кўрсата олдик. Ўйин боришини ўзгартириб, ғалаба қозондик. Бекободдан келиб, бизни қўллаб-қувватлаган мухлислардан миннатдорман. Уларнинг борлигини майдонда ҳам сезиб ҳаракат қилдик. Умид қиламиз, уй ўйинларимизда ҳам улар ўн иккинчи ўйинчимиз бўлишади.

Дебют ўйинимдаёқ гол ура олганимдан жуда хурсандман. Бу гол нафақат меники, балки бутун жамоа меҳнатининг самараси деган бўлардим. 

Кейинги тур учрашувини ўз майдонимизда ўтказамиз ва навбатдаги уч очкони қўлга киритишга ҳаракат қиламиз. Биз ҳар бир учрашувда ғалаба учун майдонга тушамиз”.