Мессининг голи ҳеч нарсани ҳал қилмади

МЛС доирасида «Коламбус Крю» ўз майдонида «Интер Майами»ни қабул қилди. Учрашув мезбонларнинг 2:1 ҳисобидаги ғалабаси билан якунланди.

«Коламбус Крю» сафида Хосеф Мартинес пенальтини аниқ амалга оширди, Жамал Тиаре ҳам гол урди. «Интер Майами»нинг ягона голига аргентиналик ҳужумчи Лионель Месси муаллифлик қилди.

Мезбонлар ғалаба голини 90+9-дақиқада урди.

Шу тариқа, «Интер Майами» МЛСда кетма-кет бешта учрашувда ғалаба қозона олмади — тўрт дуранг ва бир мағлубият. «Коламбус Крю» эса кетма-кет иккинчи ғалабасини қайд этди.

МЛСнинг навбатдаги турида «Интер Майами» «Ди-Си Юнайтед» билан, «Коламбус Крю» эса «Орландо Сити» билан ўйнайди. Ҳар икки учрашув 11 октябрь куни бўлиб ўтади.