Месси жуда катта рекордга тайёрланяпти

“Интер Майами” ҳужумчиси Лионель Месси “Монреаль” билан учрашувда покер қайд этганидан сўнг, футбол тарихида тўғридан-тўғри жарима зарбаларидан энг кўп гол урган футболчилар рўйхатида иккинчи ўринга кўтарилди.

Бу ҳақда Sudanalytics статистик аккаунти X ижтимоий тармоғида хабар берди.

39 ёшли аргентиналик юлдуз  ҳисобида ҳозир 74 та жарима зарбасидан урилган гол бор.

Ундан юқорида фақат Марселиньо Кариока — 78 та гол билан бормоқда.

Учинчи ўринни Жаир Роза Пинту ва Роберто Динамит 74 тадан гол билан бўлишиб турибди. Бешинчи ўринда эса Жуниньо Пернамбукано — 72 та гол.

Шундай қилиб, Месси мазкур рўйхатдаги етакчига етиб олиш учун атиги 4 та гол, мутлақ якка рекордни ўрнатиш учун эса 5 та гол қолдирган.

Эслатиб ўтамиз, Месси “Монреаль” урган голларидан иккитасини айнан жарима зарбаларидан киритди ва унинг клуби эса 7:1 ҳисобида ғалаба қозонди.