Месси: "Биз сизлар билан фахрланамиз"

Аргентина терма жамоаси сардони Лионель Месси U-20 Жаҳон чемпионати финалида мағлуб бўлган ватандошларини қўллаб-қувватлади.

Ҳабарингиз бор, Чили мезбонлик қилган 20 ёшгача бўлган футболчилар ўртасидаги Жаҳон чемпионати кеча тунда ўз якунига етди. Финал баҳсида «ўлим гуруҳидан» етакчилик қилиб кейинги босқичга йўл олган Марокаш терма жамоаси аргентиналик тенгқурларига қарши майдонга тушди. Аргентинанинг катта устунлиги остида ўтган учрашувда Африка қитъаси вакиллари 2:0 ҳисобида ғалаба қозонди ва 16 йилдан сўнг кичик мундиал кубоги «қора қитъага» йўл олди.

Ўйиндан сўнг Лео Месси ватандошларига мурожат қилди:

"Руҳиятингизни туширманг, йигитлар. Сизлар турнир мобайнида чиройли ва жуда ақлли ўйин кўрсатдингиз. Гарчи, ғолибликни тантана қилиш насиб қилмаган бўлса ҳам, биз ҳаммаси учун хурсандмиз. Бундан ташқари, оқ-кўк рангларни чин юракдан ҳимоя қилганингиз учун фахрланамиз", - деди 39 ёшли футболчи.

Маълумот учун, Аргентина ёшлари мундиал мобайнида финалгача ўтказилган барча учрашувларда ғалаба қозонган эди.