Менга хиёнат қилишди! Роналду Португалия терма жамоасига қайтишни истамаяпти

Криштиану Роналду яқин вақт ичида Португалия терма жамоасига қайтишни режалаштираётгани йўқ.

Аввалроқ «Ан-Наср»нинг 41 ёшли  ҳужумчиси УЕФА Миллатлар лигасида Норвегияга қарши ўйин (2:1) пайтида бош мураббий Жорже Жезуш уни майдонга туширмаганидан сўнг терма жамоа лагерини ўзбошимчалик билан тарк этган эди. Шундан кейин Португалия футбол федерацияси Роналдуни 30 кунга дисквалификация қилди ва 255 евро жарима солди. Жазо муддати қоидабузарлик содир этилган кундан ҳисобланади, шу боис Роналду бирорта расмий ўйинни ўтказиб юбормайди.

Шунга қарамай, CNN Portugal журналисти Руй Сантушнинг таъкидлашича, Роналдунинг навбатдаги терма йиғинда қатнашиши деярли имконсиз: «Роналду ҳозирча ўзини чақиришларини истамайди», – дейди у.

«Криштиану ҳеч ким олдида ўзини қарздек ҳис қилмаяпти. У ўзини нохақ ҳақорат қилинган, унга нисбатан адолатсиз муносабатда бўлинган, ҳақиқат тўлиқ айтилмаган, ўзи эса хиёнатга учраган, деб ўйлаяпти», – дея қўшимча қилади журналист.

Сантушнинг сўзларига кўра, ҳужумчи «амалда терма жамоага қайтмасликка қарор қилган». У «Португалия футбол федерацияси (FPF) руҳига ишонмай қўйган» ва «борган сари ҳақиқат унинг томонида, деган фикрга кўпроқ ишонаётгани» айтилмоқда.

Шу билан бирга, FPF президенти Педру Проэнса ҳар куни Криштиану билан мулоқот ўрнатишга уринаётгани, бироқ вазият ҳозирча мураккаб ҳолатда қолayotgani қайд этилган.