Испаниянинг “Реал” клуби бош мураббийи Жозе Моуриньо “Манчестер Сити”нинг собиқ ярим ҳимоячиси Родри унга керак бўлмаганини айтди.
Яқинда Родри “Сити”дан “Барселона»”а 65,4 миллион фунт стерлинг эвазига кўчиб ўтди. Узоқ вақт давомида эса 30 ёшли испаниялик футболчи учун асосий даъвогар “Реал” бўлган эди.
Моуриньонинг сўзларига кўра, ярим ҳимоячи “Реал”га ўтиш борасида қатъий қарор қабул қилмагани сабабли у Родрига бўлган қизиқишини йўқотган.
- Мен Родри билан бир неча марта гаплашдим ва “Реал” унга жуда яхши таклиф берди.
Родрида шубҳалар бор эди, у иккиланди. Родрининг иккиланиши мени ҳам шубҳага солди. “Реал” шундай даражадаги клубки, ўзига нисбатан шубҳаси бор футболчиларга эга бўлиши мумкин эмас.
Менга Родри керак эмас. Бизда вариантлар бор, сифатли футболчиларимиз етарли- деди Жозе Моуриньо Sky Sports нашрига берган интервьюсида.