“Арсенал” вингери Габриэл Мартинелли Туркиянинг “Галатасарой” клубига ўтиш имкониятини шахсан рад этди.
Sky Sports хабар беришича, “Галатасарой” Мартинеллини сотиб олиш учун тахминан 38,9 миллион фунт стерлинг таклиф қилган, аммо Габриэл фаолиятининг айни босқичида Туркияга ўтиш энг яхши вариант эмас, деб қарор қилган.
Мартинеллининг “Галатасарой”га ўтишдан бош тортиши у “Арсенал”да қолади, дегани эмас. “Канонирлар” Бразилия миллий терма жамоасининг 25 ёшли футболчиси бўйича таклифларни қабул қилишга ҳали ҳам тайёр.
“Арсенал”ни Мартинеллини сотишга ундаётган омиллардан бири – Габриэлнинг шартномасига атиги бир йил қолгани. Гарчи Премьер-лига чемпионларида шартномани яна 12 ойга узайтириш имконияти мавжуд бўлса-да.
Бироқ битим ҳам “Арсенал”, ҳам ўтган мавсумда 53 та ўйинда 11 та гол урган ва еттита голли узатмани амалга оширган Мартинелли учун тўғри ва мақбул бўлиши керак.