Мбаппе “Реал”га суперфутболчини олиб келмоқчи
- 2-июл, 17:52
- Zohir Toshxo’jayev
- 0
- Футбол
Франция миллий терма жамоаси сардори Килиан Мбаппе миллий жамоадаги шериги Майкл Олисе билан суҳбатлашиб, уни Мюнхеннинг “Бавария” клубидан Мадриднинг “Реал” жамоасига ўтишга кўндиришга ҳаракат қилмоқда.
Бу ҳақда El Chiringuito TV хабар берди.
Манба маълумотига кўра, Олисе 2026 йилги жаҳон чемпионати тугагач, ўз келажагини муҳокама қилиш учун “Бавария” раҳбарияти билан учрашишни режалаштирган.
Мбаппе Олисе “Реал”нинг ҳужум чизиғини янада кучайтиради, деб ҳисобламоқда.
Якунланган мавсумда Олисе “Бавария” сафида 57 та учрашувда майдонга тушиб, 25 та гол урди ва 28 та голли узатмани амалга оширди.
У жамоаси билан Бундеслига ва Германия кубогида ғолиб чиқди, клубнинг йил ўйинчиси ҳамда Германия чемпионатининг энг яхши футболчиси, деб топилди.
Шунингдек, Франция Профессионал футболчилар миллий уюшмаси (UNFP) томонидан Франциянинг энг яхши легионери сифатида эътироф этилди.
Франция терма жамоаси ҳозирда мундиалдаги иштирокини давом эттирмоқда ва 1/8 финалда Парагвайга қарши баҳсга тайёргарлик кўрмоқда.