Мбаппе "Реал" билан АҚШга бормайди

Эркин агент сифатида "Реал" Мадрид сафида келиб қўшилган Килиан Мбаппе мавсумолди турнеда иштирок этиш учун АҚШга бормайдиган бўлди. 

Франциялик футболчи "Евро-2024"да иштирок этди ва жамоаси билан ярим финалга қадар етиб борди. Шунингдек, у бурнидан жароҳат ҳам олган. Клубдагилар унга оғир мавсумдан сўнг дам беришга қарор қилди. 

Биласиз, кеча Килианнинг "Қироллик клуби"даги тақдимоти бўлиб ўтди. Мазкур маросимга 80 мингга яқин мухлис ташриф буюрди.