Майкл Оуэн: "Грилиш учун "Эвертон"га ўтиш ажойиб қарор бўлди"

Англия Премьер-лигасининг бу мавсумида Жек Грилиш "Эвертон" сафида 7 та ўйин ўтказиб, 1 та гол урди ва 4 та голли узатма муаллифи бўлди.

Собиқ машҳур футболчи Майкл Оуэн 30 ёшли футболчининг ўйини ҳақида фикр билдирди:

"Бу трансфер Грилиш учун ажойиб қарор бўлди. Менимча, у "Эвертон" услубига кўпроқ мос келади. У ноёб футболчи — тўпни назорат қилишни яхши кўради, кўп жарима зарбалари ишлаб олади. Менга у ҳар доим ёққан. Мен ҳар доим айтганман: Грилишнинг ўйин услуби "Манчестер Сити"га унчалик мос эмасди. Энди эса "Эвертон" жуда фойдали футболчини қўлга киритди", — дея таъриф бериб ўтди Оуэн. 

Айни вақтда "Эвертон" Англия чемпионатининг турнир жадвалида саккизинчи ўринни эгаллаб турибди.