Машҳур юлдуз Англияга қайтишдан бош тортяпти

“Манчестер Юнайтед”нинг собиқ ҳужумчиси Жейдон Санчо фаолиятини Англиядан ташқарида давом эттиришни афзал кўрмоқда. Бу ҳақда BBC хабар берди.

Ҳозирги вақтда футболчи эркин агент мақомида бўлиб, унга Англия Премьер-лигаси жамоалари ҳамкорликни таклиф қилмоқда. Аммо Санчо хориж клубига ўтишни хоҳламоқда.

Қайд этилишича, англиялик футболчи аввал ҳам тўп тепган Дортмунднинг “Боруссия” клуби унга қизиқиш билдирмоқда. Айни пайтда ҳужумчи Англия 10-дивизионида иштирок этувчи “Фликстон” клуби базасида якка тартибда машғулот ўтказмоқда.

Жейдон Санчо “Уотфорд” ва “Манчестер Сити” клублари тарбияланувчиси ҳисобланади. У катталар даражасида Дортмунднинг “Боруссия”си, “Манчестер Юнайтед”, “Челси” ва “Астон Вилла” жамоалари сафида тўп тепган.

Transfermarkt сайти маълумотларига кўра, футболчининг ҳозирги трансфер қиймати 18 миллион еврони ташкил этади.