Машҳур мураббий саратондан тузалди

Нидерландия терма жамоаси собиқ бош мураббийи Луи ван Гал саратон билан курашганини айтди.

Мутахассис касаллиги ҳақида уч йил олдин эълон қилган. Ўша пайтда у Нидерландия терма жамоасини бошқарган.

Ҳозирда у "Аякс"нинг махсус маслаҳатчиси бўлиб, тез-тез омма олдида пайдо бўлади.

"Саратон мени ортиқ безовта қилмаяпти. Икки йил олдин мени бир неча марта операция қилишди. Ўшанда ҳаммаси ёмон эди.

Аммо охир-оқибат ҳаммаси яхши бўлди, мен саратонни енга олдим. Ҳар бир неча ойда кўрикдан ўтаман ва ишларим яхши кетяпти. Менга ҳаммаси яхши," - деди "Аякс," "Барселона," "Бавария" ва "Манчестер Юнайтед" собиқ мураббийи.

73 ёшли ван Гал мураббийлик фаолиятига қайтишни истамаслигини тасдиқлади. Мумкин бўлган ягона вариант - топ-терма жамоадан таклиф.