Машҳур ҳужумчи икки йил товонидаги шиша синиғи билан футбол ўйнаб юрган экан

Футболчилар билан баъзан ғайри оддий ҳодисалар ҳам юз беради. Ана шундай воқеалардан бири Испанияда қайд этилди.

Бильбаонинг “Атлетик” жамоаси ҳужумчиси Иньяки Уильямс икки йил давомида товонига кирган шиши синиғи билан футбол ўйнаб юргани аниқланди.

Бу ҳақда басклар клуби бош мураббийи Эрнесто Вальверде маълум қилди.

Унинг айтишича, икки йил муқаддам Иньяки автоҳалокатга учраган экан. Ўшанда машғур ҳужумчи шиша синиғини босиб олган ва товонига шиши бўлаги кириб кетган.

Шифохонада Уильямснинг жароҳатлари тикилган ва товонидаги шиша бўлаги олинмай,  қолиб кетган.

Кейинги пайтларда футболчи товонида ноқулайликни ҳис қилаётганидан шикоят қила бошлади. МРТ текширувлари футболчи оёғи тагида икки сантиметр атрофида шиши бўлаги борлигини кўрсатди. Иньяки шу туфайли жарроҳлик столига ётишига тўғри келди.