Машҳур футболчининг юзи фалаж бўлиб қолди
- 31-декабр 2025, 20:02
- Zohir Toshxo’jayev
- 0
- Футбол
Мавсумни Мексиканинг “Монтеррей” футбол клубида ўтказаётган ярим ҳимоячиси Лукас Окампос юзининг чап томони фалажланиши сабабли футбол ўйнамай турадиган бўлди.
Бу ҳақда жамоа матбуот хизмати хабар берди.
Қайд этилишича, фалажланишга вирус сабаб бўлгани тахмин қилинмоқда. Футболчини зарур даволаш курсини белгилаш учун мутахассис кўрикдан ўтказган.
- Окампос 7 кун дам олади, шундан сўнг унинг клиник ҳолати баҳоланиб, машғулотларга қайтиш имконияти аниқланади, - дейилади клуб баёнотида.
Окампос 2024 йилдан бери “Монтеррей” сафида тўп суриб келмоқда. Европадаги фаолияти давомида у “Монако”, “Марсель”, “Женоа”, “Милан”, “Аякс” ва “Севилья” каби машҳур клубларда ўйнаган.
31 ёшли футболчи “Севилья” билан икки марта Европа Лигаси ғолиби бўлган. Шунингдек, Окампос Аргентина миллий терма жамоаси сафида 12 та ўйинда иштирок этиб, иккита гол ҳам урган.