"Машъал" яна бир нигериялик футболчи билан шартнома имзолади
- 13-феврал, 17:08
- Oybek Yo’ldoshev
- 0
- Футбол
Бироз аввал нигериялик ҳужумчи трансферини эълон қилган "Машъал" жамоасидан навбатдаги юриш. Клубнинг бу сафарги трансфери - ярим ҳимоячи.
"Муборакнинг Машъал ФК Муборак жамоаси янги мавсум олдидан таркибни кучайтириш ишларини давом эттирмоқда. Клуб раҳбарияти нигериялик ярим ҳимоячи Рафаел Виашима Аягва билан шартнома имзоланганини расман эълон қилди.
27 ёшли футболчи майдон марказида барқарор ўйини, тўп билан муомала маданияти ва жисмоний тайёргарлиги билан ажралиб туради. У фаолияти давомида Нигерия миллий терма жамоаси сафида дебют қилган.
Аягва клуб даражасида ҳам халқаро тажриба орттирган. Хусусан, у Норвегиянинг Лиллестрøм СК, АҚШнинг ФC Тулса жамоалари ҳамда Миср ва Ливия чемпионатларида иштирок этувчи бир қатор клублар шарафини ҳимоя қилган.
«Машъал» футбол клуби Рафаел Аягвага жамоамиз сафида омад ва муваффақият тилайди", - дея ёзди клуб матбуоти.