Мартинеснинг тўртта алмаштириши Португалияга ғалаба келтирди

Португалия терма жамоаси бош мураббийи Роберто Мартинес Хорватияга қарши Жаҳон чемпионати 1/16 финал баҳсида амалга оширган тўрт кишилик алмаштириш билан ўйин тақдирини ўзгартирди.
⠀
Португалия учрашувда 2:1 ҳисобида иродали ғалабага эришди. Жамоа аввал 53-дақиқада Иван Перишичнинг голидан сўнг ҳисобда ортда қолган бўлса, 68 ва 94-дақиқаларда киритилган голлар эвазига кейинги босқичга йўл олди.
⠀
Мартинес 63-дақиқада бир вақтнинг ўзида Витинья, Педру Нету, Бруну Фернандеш ва Жоау Канселуни майдондан олиб, уларнинг ўрнига Франсишку Консейсау, Нелсон Семеду, Бернарду Силва ва Гонсалу Рамушни туширди.
⠀
Қизиғи, айнан захирадан майдонга тушган Гонсалу Рамуш қўшимча вақтнинг 94-дақиқасида ғалаба голини киритиб, Португалияни Жаҳон чемпионати 1/8 финалига олиб чиқди.