Марказий Осиё дербисида боксчимиз имкониятни бой бериб қўйди

Аичи-Нагоя шаҳрида ўтказилаётган Осиё ўйинларининг бокс баҳслари давом этади.

-70 кг даги вакилимиз Шавкатжон Болтаев финал йўлланмаси учун қозоғистонлик Торехан Сабирханга қарши жанг қилди. Ҳақиқий "сола-сол"га айланган баҳсда Болтаев 0:5 ҳисобида имкониятни бой бериб қўйди ва мусобақани бронза медали билан ниҳоясига етказди.

Эслатиб ўтамиз, бизни олдинда Тўрабек Хабибуллаев ҳамда Капил Покҳария (Ҳиндистон) тўқнашуви кутмоқда.