Мареска қўл остида "Сити"нинг биринчи трансфери ҳал бўлди

Яқин кунларда «Манчестер Сити» 23 ёшли инглиз ярим ҳимоячиси Эллиотт Андерсон билан шартнома имзоланганини расман эълон қилиши кутилмоқда. Бу ҳақда футбол бўйича инсайдер Фабрицио Романо ўз ижтимоий тармоқларида хабар берди.

Унинг таъкидлашича, Андерсоннинг келиши бош мураббий лавозимига Энцо Мареска тайинланганидан кейинги илк трансфер бўлади. Романо маълумотига кўра, футболчи тиббий кўрикдан муваффақиятли ўтган, барча ҳужжатлар келишиб олинган.

Трансфер қиймати 116 миллион фунтни ташкил этмоқда. Бу сумма клуб тарихидаги энг йирик трансфер сифатида қайд этилиши мумкин. Илгари «Манчестер Сити» учун энг қиммат харид Жек Грилиш бўлиб, у 100 миллион фунт эвазига жамоага қўшилган эди.