Мареска: "Биз учрашув тақдирини дастлабки 10 дақиқада ҳал қилиб бўлган эдик"

"Челси" бош мураббийи Энзо Мареска ПСЖ устидан қозонилган йирик ғалабадан сўнг бугунги беллашув ва Палмернинг фантастик ўйини ҳақида гапирди. 
 
"Футболчилар учун сўз бўлиши мумкин эмас. Улар бу чемпионлик учун муносиб эдилар. Бу жуда яхши лаҳза. Биз ўйинни биринчи 10 дақиқада ютдик. Темпни биз ўрнатдик. 90 дақиқа давомида буни ушлаб туриш осон эмас". 



Коул Палмер ҳақида: 

"Бугун биз унга ҳужум қилиш учун кўпроқ бўшлиқ бўлган позицияни топдик. Коул учун хурсандман, лекин бутун жамоанинг ҳаракати фантастик бўлди". 

Келаси мавсум ҳақида: 

"Ҳозир жуда ҳаяжондаман. Лекин ҳозирги пайтда мен учун янада хурсанд қилувчиси — олдимизда 3 ҳафта таътил бор!" - дея ўз сўзларини якунлади аристократлар мутахассиси.