Манчестерликлар ўн олти ёшли ўсмир учун қирқ миллион евро тўлайди
- 25-апрел, 08:53
- Zohir Toshxo’jayev
- 0
- Футбол
Англия Премьер-лигасидаги мавқеини тиклаб бораётган “Манчестер Юнайтед” 16 ёшли бразилиялик иқтидор Эдуардо Консейсао учун 40 миллион евро таклиф қилишга тайёр.
Бу ҳақда UOL портали хабар берди. Манбага кўра, инглиз клуби яқин кунларда “Палмейрас” клубига ҳужумкор футболчи бўйича расмий таклиф юборади.
“Манчестер Юнайтед” скаутлари футболчини ёшлар ўртасидаги Жанубий Америка чемпионатида кузатган. У ерда Консейсао 2 та гол урган, Бразилия эса учинчи ўринни эгаллаган.
Бироқ “Палмейрас” Европадан келиши кутилаётган ушбу таклифга рози бўлмаслиги мумкин. Чунки клуб ўз футболчиси учун камида 50 миллион евро олишни истамоқда.
Бу ўйинчи трансфери учун рақобат кучайиб бормоқда. Консейсаога “Манчестер Сити” ва “Барселона” ҳам қизиқиш билдирган. Ўйинчи қайси жамоа билан келишувга эришишидан қатъи назар, 18 ёшга тўлгунга қадар ҳар қандай ҳолатда ҳам “Палмейрас”да қолади.