Манчестерликлар испан клубининг энг зўр ўйинчисини олади
- 28-январ, 08:14
- Zohir Toshxo’jayev
- 0
- Футбол
“Манчестер Юнайтед” раҳбарияти келаси мавсум олдидан таркибини жиддий тарзда ўзгаришга қарор қилган. Манчестерликларнинг навбатдаги трансфер нишони Испанияда ўйнаяпти.
Football Transfers нашрининг маълум қилишича, “Юнайтед” мутасаддилари “Реал Сосьедад”нинг энг зўр ўйинчиси ва сардори Микель Оярсабални Англияга кўчириб келмоқчи.
Манбага кўра, 28 ёшли ҳужумчининг январь ойида жамоасини ўзгартириш эҳтимоли паст ва шу боис “Манчестер Юнайтед” бу трансферни ёзда, 2026 йилги жаҳон чемпионатидан кейин амалга оширмоқчи.
Оярсабаль 2016 йил январидан буён Сан-Себастьян жамоаси сафида ўйнаб келмоқда. Жорий мавсумда форвард барча мусобақаларда 19 та ўйинда иштирок этиб, олтита гол ва учта голли узатмани амалга оширди.
Унинг клуб билан амалдаги меҳнат шартномаси 2028 йилнинг ёзигача мўлжалланган. Transfermarkt маълумотига кўра, футболчининг бозор қиймати 25 миллион еврони ташкил қилади.