Манчестерликлар энг зўр футболчисини сотишга тайёр

“Манчестер Юнайтед” ярим ҳимоячиси Бруну Фернандеш ушбу ёзда клубни тарк этиши мумкин.

Журналист Сулаймон Родоп маълумотига кўра, манчестерликлар португалиялик футболчини атиги 42 миллион фунт стерлинг эвазига сотишга тайёр.

Футболчига «Галатасарой» қизиқиш билдирмоқда. Бироқ турк клуби Бруну талаб қилаётган маошни тўлаш имкониятига эга эмас.

Бруну Фернандеш 2020 йилда “Спортинг”дан “Манчестер Юнайтед”га 65 миллион евро эвазига кўчиб ўтган эди. Унинг шартномаси 2027 йил 30 июнгача амал қилади.

2025/2026 йилги мавсумда у барча мусобақаларда 37 та учрашув ўтказиб, 9 та гол ва 22 та голли узатма амалга оширган.

Transfermarkt портали жамоанинг энг асосий футболчисига айланган Фернандешнинг бозор қийматини 35 миллион евро деб баҳоламоқда.