Манчестерликлар бешта суперҳужумчини нишонга олди

Мавсумни учинчи ўринда якунлаган “Манчестер Юнайтед” келаси мавсум олдидан ҳужум чизиғини янгилаш ва сезиларли даражада кучайтиришни режалаштирмоқда.

Жамоа келаси мавсум Чемпионлар лигасида иштирок этади ва шу боис юқори малакали ўйинчилар трансферига эътибор қаратяпти.

Клуб янги ҳужумчиларни сотиб олиш учун катта маблағ сарфлашга тайёр. Бу ҳақда Caught Offside хабар берди.

Манба маълумотига кўра, манчестерликлар “Кристал Пэлас”дан Жан-Филипп Матетани  сотиб олишни кўзлаяпти.

Шунингдек, клуб мутасаддилари Виктор Осимхен (“Галатасарой”), Душан Влахович (“Ювентус”) ва Эли Крупи (“Борнмут”) вариантларини ҳам кўриб чиқмоқда.

Қисқа муддатли вариант сифатида “Барселона”ни тарк этган 37 ёшли Роберт Левандовски ҳам Манчестерга таклиф этилиши мумкин.

Шу билан бирга, “Манчестер Юнайтед” ёзда жамоага мослаша олмаган Жошуа Зиркзеени сотишни режалаштирмоқда.